المغرب قد يحصل على احدث نسخة من نظام الدفاع الجوي الصاروخي الامريكي.

العاصمة بريس جهة الرباط

متابعة:غيثة هيمص

بشكل رسمي وافقات الولايات المتحدة الأمريكية 🇺🇸 أنها غادي تزود المغرب 🇲🇦 بالنسخة الأحدث ديال نظام الدفاع الجوي الصاروخي Patriot واللي سميتو PAC-3 MSE تنفيدا لواحد الصفقة ثم توقيعها بين البلدين في سنة 2019.

النظام اللي كتتفاوض عليه حتى المملكة السعودية ودولة الإمارات 🙄

====

اللي معارفش أشنو هو Patriot PAC-3 MSE 🤔

هو واحد النظام صاروخي ثم تصميم ديالو لردع وإسقاط الأهداف اللي كاينة في واحد العلو مرتفع بحال الطائرات والصواريخ وخاصة الصواريخ الباليستية Ballistic missile وصواريخ كروز Cruise missile 🚀🚀

وكيقدر هاد النظام يضرب الأهداف ديالو الجوية على نطاق 160 كيلومترا، والصواريخ الباليستية على نطاق 75 كيلومترا، ويقدر يطيح الأهداف ديالو على إرتفاع كيوصل ما بين ل60 متر و15 كيلومترا.

[+] هاد المنظومة الدفاعية كتكون من أربعة ديال الأجزاء :

▪ مركبة الرادار :

الرادار اللي كيقدر يرصد الخطر واللي يمكن ليه يرصد 50 هدف دقة وحدة وكيرسل إشارة لغرفة التحكم اللي كتقيم الخطر وكتقرر أنها طلق الصواريخ بإشارة للمنصة واللي كتستغرق الإشارة فقط 9 ثواني.

▪ غرفة التحكم :

هاد غرفة التحكم كتكون عبارة على حاسوب متصل مع نظام الرادار ومع منصة إطلاق ومزود ببرامج التحكم والتوجيه.

هاد غرفة التحكم في حالة الطوارئ كيكونو ثلاثة ديال الناس كيتحكمو فيها أما في الغالب كتكون في حالة التحكم التلقائي.

▪ منصة الصواريخ :

منصة الصواريخ أو منصة الإطلاق فيها 16 قاذفة كتقدر تهز 16 صاروخ دقة وحدة، وكل قاذفة ديال الصاروخ متصلة مع نظام تحكم عن طريق الألياف الضوئية أو من خلال الإتصال اللاسلكي.

▪ الصواريخ :

الطول ديال صاروخ واحد فيها حوالي 5 متر اللي الوزن ديالو 312 كيلوجرام منها 73 كيلوجرام ديال المواد المتفجرة.

====

وفي الأخير شكرا لأنك وصلتي حتال لهنا وقريتي البوسط، متنساش Tagi الناس اللي غادي يعجبهم، وتشجعنا بالمتابعة ديالك على الإنستغرام 👇

https://www.instagram.com/moroccanhackers/المصدر: صفحة هاكرز موروكان


شاهد أيضا
تعليقات الزوار
Loading...