انا المرأة المغربية …..

انا المرأة المغربية …..
جعلنا كلامنا يجوب ظلام الليالي
ولبسنا النقاب باش نظموا الحروف ولا تقولو هادي بنت لالة ومالي
جبنا العز وخفنا وهربنا من كلام الناس البالي
وعيينا من ظلم نظرة اللي فينا شابع كلام وحكاوي
يا المهلل بكلامنا راه احنا بنات العز و لا غير من الراجع والغادي
أنا مغربية لسانا فيه جملة وحدة انت سيدنا وملكنا وعلى راسنا عالي
هزينا كفوفنا وقلنا ربي يحفظوا لينا راه مقامه عندنا عالي
نقولوا الكلمة ونرسموا الحرف وعلينا وقفوا السطور وقطعوا البحور وقالوا هادي غير امرأة واللي تبعها يبقي جالي
المغربية في زينها تمشي النايم و تخبل النايل
العايش حاضي كلامها وهي القادرة الراوية العطشان من الحب نطافي
تبرد الهايش و النايش و الي عند راسو فايش بكليمة وعلى سيرتي سالي
انا المغربية اللي في قلبي على لساني واللي رونات العالم كله وخلاتو ليها جايب صداقه وضارب النعايل
ويكفي بالكحل والصفصاف من العطار نتبسم ناخدو ويبان جمالي الصافي كاين
انا المغربية اللي بكلامي عجزوا العلماء على فهمي ونقولك زيد علي سال وانا مابحالي كإمرأة كاين
لا تقرب للمرأة وهي شمعة تحرق على قبلك الي كنتي باغي معها المحاين
تجوبك في سوق نساها اللي كنت ناسي وبها تخليك تشوف واش النجم كاين
راني المغربية شوفني بكلامي ورزاني وماشي في بالعين تعبرني بوزاني
انا قلبي وكياني وروحي وعنداك تنسى اهمية حبالي
عذروني والجسد ماهو غير خشبة وسيرو شوفو سولو جلسة النوايل والبرارك واش كيقولو على المرأة ثاني
رباحي في رباحكم ورباحي في عتبتي نضوي نور الضحى امان وتلقاني دفاك في ليالي
……انا المرأة المغربية وعليا كتبوا الكلام والحكاوي
المولاحي حنان




شاهد أيضا
تعليقات الزوار
Loading...